Velkomen til lansering og live podcast-kveld om gründerskap

Program:

18.00: Live podcast med Yvonne og Torunn

18.45: Inspirasjon frå Wildress Retreats - Brita Duwe

19.00: Mat og mingling

Kva skal til for å skapa arbeidsplassar, aktivitet og framtidstru i distrikta? Under Teknologiveka inviterer me dykk til ein inspirerande gründerprat med fire gründerar som på kvar sin måte har valt å byggja noko nytt.

Vertar for gründerpraten er Yvonne Romøren Aga og Torunn Todal Laberg, som begge har vore gründerar i om lag ti år. Saman står dei bak eit nytt podkastprosjekt som blir lansert våren 2027. Målet er å løfta fram menneska, ideane og initiativa som skaper utvikling i distrikta. Dei meiner at god næringsutvikling også er god lokalsamfunnsutvikling, og ønskjer å inspirera fleire til å våga å realisera eigne prosjekt og draumar.

På scena får dei besøk av to spennande gründerar:

Tone Berge frå Baremark, som har bygd opp ei verksemd med utgangspunkt i lokale ressursar, berekraft og verdiskaping.

Anja Damstuen Forthun frå Årethun Foredling, som har skapt nye moglegheiter gjennom vidareforedling og lokal matproduksjon, med røter i tradisjonar og betre ressursutnytting.

Gjennom ein open samtale om oppturar, motgang, risiko, læring og drivkraft får publikum høyra kva som faktisk ligg bak ei gründersatsing. Korleis oppstår ein idé? Kva krevst for å halda fram når det blir vanskeleg? Og kvifor vel nokon å satsa i distriktet?

Denne kvelden handlar ikkje berre om bedrifter. Han handlar om menneske som skaper verdiar, byggjer lokalsamfunn og viser at gode idéar kan veksa fram også langt unna dei største byane.